Ana səhifə Planet |
Böyük Britaniyanın Baş naziri Boris Conson Fransa Prezidenti Emmanuel Makrona La-Manş kanalı boyunca qanunsuz miqrasiya ilə mübarizə üçün mühacirləri Fransaya aparmasını təklif edib. Sözügedən təklif Fransa tərəfini qəzəbləndirib.
Axar.az xəbər verir ki, bu barədə “Röyters” məlumat yayıb.
Məlumata görə, Fransanın daxili işlər naziri Cerald Darmanin etiraz əlaməti olaraq britaniyalı həmkarı Priti Patellə planlaşdırılan görüşü ləğv edib. Darmanin bildirib ki, Baş nazirin Fransa liderinə miqrasiya problemi və onun həlli ilə bağlı məktubu məyusedicidir, onun ictimaiyyətə açıqlanması məktubun özündən də pisdir. Fransa rəsmiləri qeyd edirlər ki, Britaniya Baş naziri nəinki münasibətləri korlayıb, həm də böhranın həllində öz səriştəsizliyini nümayiş etdirib.
Qeyd edək ki, La-Manş kanalını keçməyə çalışan 31 miqrantın ölümündən sonra Fransa və Böyük Britaniya hakimiyyəti qanunsuz miqrant axınının dayandırılması üçün təcili tədbirlərin görülməsi barədə birgə razılığa gəlmişdilər.
Tarix
2021.11.26 / 13:56
|
Müəllif
Zeynəb Əkbər
|