NASA rəhbəri Çarlz Bolden ABŞ Konqresinə Rusiyanın Roskosmos qurumu ilə müqaviləni uzatmaq barədə müraciət göndərib.

Axar.az xəbər verir ki, Ç.Bolden Rusiya ilə bir neçə ildir davam edən və ABŞ astronavtlarının Roskosmos vasitəsilə Beynəlxalq Kosmik Stansiyaya çatdırılmasını özündə ehtiva edən müqaviləni uzatmağın vacib olduğunda israrlıdır.

O, Konqresə müraciətini ABŞ-ın bu işə artıq indiyə qədər ciddi maliyyə sərf etməsi ilə izah edib. Konqresin hansı cavabı verəcəyi məlum deyil.

Xatırladaq ki, Ukrayna hadisələri və Krımın anneksiyasından sonra Rusiyanı çəkindirmək üçün başladılan sanksiyaların təşəbbüskarı ABŞ-dır.