Rusiya Federal Gömrük Xidmətinin polkovniki Vladimir Avramenko Krım gömrüyünə rəis təyin edilib.

Axar.az xəbər verir ki, bu barədə Xidmətin mətbuat mərkəzindən məlumat verilib.

"Rusiya Federal Gömrük Xidmətindən verilən sərəncama əsasən 7 avqust 2015-ci il tarixindən etibarən Vladimir Georgiyeviç Avramenko Krım gömrüyünə rəhbər təyin edilib", - məlumatda bildirilib.

Qeyd edək ki, bu ilin aprel-may aylarında "Cankoy" gömrük məntəqəsinin rəisi də daxil olmaqla Krım gömrüyünün bir neçə əməkdaşı rüşvət üstündə saxlanılmışdı. Həmin hadisədən dərhal sonra Krım gömrüyünün rəisi Aleksandr Kozinçev vəzifəsindən azad edilmişdi.