Rusiya Almaniyadan olan attaşe, briqada generalı Hert Havellekə viza verməkdən imtina edib.

Axar.az xəbər verir ki, bu barədə Almaniyanın "Der Şpigel" jurnalı yazıb.

Jurnalın məlumatına görə, bu, Almaniya tərəfinin addımına verilən cavab idi, çünki bir müddət əvvəl Berlin bu ölkəyə işləməyə gəlmək istəyən rus hərbçilərinə viza verməkdən imtina etmişdi. Həmin vaxt alman hökuməti rus hərbi attaşelərin xüsusi xidmət orqanlarında çalışdıqlarını əsas gətirmişdi.

"Ukrayna böhranına görə pisləşən Rusiya ilə münasibət yeni zərbə aldı. Moskvadakı səfirlikdə deyirlər ki, alman-rus hərbi əməkdaşlığı donduruldu. Rus hərbçiləri hətta alman hərbi attaşelərin şəxsi dəvətlərinə belə cavab vermir", - jurnal yazıb.