Gözləntimiz Rusiya ilə Ukrayna arasında sağlam düşüncənin hakim olması, hər iki ölkənin siyasətində sülh və əmin-amanlığın hökm sürməsidir. Diplomatik təmaslar hələ ki, nəticə verməyib.

Axar.az xəbər verir ki, bu sözləri Türkiyənin Milliyyətçi Hərəkat Partiyasının sədri Dövlət Baxçalı deyib.

“Kiyevin gələcəyi regional və qlobal güc mərkəzlərinin ixtiyarına buraxılmamalıdır. Belə başa düşülür ki, ABŞ Avropanı münaqişəyə inandıra bilməyib.

Rusiya ilə Ukrayna arasında münasibətlərin normallaşmasına, sülh və barışıq bərqərar olmasına ancaq bu ölkələrlə dostluq münasibətləri olan üçüncü ölkə nail ola bilər. Bu ölkə şübhəsiz Türkiyədir”, - deyə Baxçalı bildirib.