Amerikalı milyarder, ABŞ prezidentliyinə namizəd Donald Tramp yeni skandalla gündəmə gəlib.

Axar.az TASS-a istinadən xəbər verir ki, Respublikaçılar Partiyasından namizədliyini irəli sürəcək milyarder dünən ABŞ-ın Ayova ştatında baş tutan konfransda özündən çıxıb və "Univisiyon" telekanalının jurnalistini tədbirdən qovub.

Məşhur aparıcı və jurnalistin Donalda miqrantların övladlarına vətəndaşlıq verilməsi ilə bağlı verdiyi sualdan sonra biznesmen jurnalistə yerinə oturmağı və söz verəndə danışmağı tövsiyə edib:

"Sizə söz verən olmadı. Qayıdın "Univisiyon"a!"

Bir qədər sonra isə Donald jurnalistin qovulmasını tələb edib.