Fələstinlilərlə heç bir şərtsiz Ramallah və ya hər hansı bir yerdə müzakirə aparmağa hazırıq.

Axar.az xəbər verir ki, bu barədə İsrailin Baş naziri Binyamin Netanyahunun ofisindən verilən yazılı açıqlamada bildirilib. "Sülhpərəst Qadın Hərəkatı" üzvlərindən birinin məlumatına görə, baş nazir onlarla görüşündə fələstinlilərlə yenidən sülh masasına oturmağa hazır olduğunu bildirib:

"Fələstinlilərlə müzakirə aparmaq üçün heç bir şərtimiz yoxdur. Danışıqlar üçün Ramallah və ya hər hansı bir yerə də getməyə hazıram. Mümkün olan həll yolu iki xalq üçün iki dövlətdir. Əgər görüş üçün Fələstinin dövlət başçısı da razıdırsa, mən hazıram".

Qeyd edək ki, Fələstinlə İsrail arasında son sülh danışıqları 2014-cü ilin aprelində baş tutub.