Avropalı ekspertlərin proqnozlaşdırdığı kimi, bazarda spot qazın qiyməti üç dəfə artarsa, Moldova sakinləri iqtisadi fəlakətlə üzləşəcək.

Axar.az xəbər verir ki, bunu Moldovanın keçmiş prezidenti İqor Dodon deyib.

“Avropalı ekspertlərin proqnozlarına görə, qışda təbii qazın qiyməti 3,5 min dollara çata bilər. Qazın spot qiyməti üç dəfə artarsa, gələn qış bizi əsl sosial və iqtisadi fəlakət gözləyir”, - o bildirib.

O, qarşıdan gələn qış üçün qazın qiyməti ilə bağlı təcili danışıqlara başlamağı zəruri hesab edir:

"Hakimiyyət təcili olaraq Moskvaya getməli və ölkəmiz üçün daha sərfəli qiymətə yeni müqavilə bağlamalıdır. Rəhbərlik dövlət, vətəndaşlar, o cümlədən hazırkı hökumətə səs verənlər üçün yaxşı iş görməlidir".