Avropa Birliyində enerji qiymətlərinin artması səbəbindən aprel ayında illik inflyasiya 8,1 faizə yüksəlib.

Axar.az xəbər verir ki, bu barədə Avropa Statistika İdarəsinin aprel ayı üzrə Avropa Birliyi və avrozona üçün illik inflyasiya ilə bağlı hesabatında qeyd olunub.

Avrozonada mart ayında 7,4 faiz olan illik inflyasiya aprel ayında da eyni səviyyədə qalıb.

AB-də isə mart ayında 7,8 faiz olan illik inflyasiya apreldə 8,1 faizə çatıb.

Ötən ilin aprelində bu rəqəm Avrozonada 1,6, AB-də isə 2 faiz təşkil edib.