ABŞ-da demokratiya dövrü bitib, indi oliqarxlar dövrü başlayıb.

Axar.az xəbər verir ki, bu barədə Amerikanın məhşur şou proqramı "Oprah Vinfreyə" müsahibəsində ABŞ-ın 39-cu prezidenti olmuş Cimmi Karter bildirib.

Karter ölkəsində prezidentlik uğrunda mübarizə aparanların qarşısında dayanan böyük maliyyə zərurətini sərt tənqid edib:

"ABŞ artıq demokratik bir ölkədən oliqarx dövlətə çevrilir. Bu gün ABŞ-da prezidentlik uğrunda mübarizəyə qoşulmaq istəyən hər bir şəxs böyük maliyyə ehtiyacı problemlərinə görə öz namizədəliyini verə bilmir. 200-300 milyon dollar və ya daha çox pulun yoxdursa, Demokrat və Respublikaçılar partiyasından namizəd olmağın başqa bir yolu yoxdur. Mən bunu bacara bilməzdim. ABŞ artıq demokratiyadan çıxaraq iqtidarın kiçik və zəngin bir zümrənin əlində cəmləşdiyi oliqarx bir dövlətə çevrilməkdədir. Bu Amerika siyasətinin əxlaq standartlarına zərər verir".

Qeyd edək ki, 1977-1981-ci illərdə prezident olmuş Cimmi Karter Demokratlar partiyasından namizəd olmasına rəğmən, cumhuriyyətçilər tərəfindən də dəstəklənmişdi. Hazırda 90 yaşında olan keçmiş prezident 2002-ci ilə Nobel mükafatına layiq görülüb.