Keçmiş futbol ulduzu Devid Bekham "Sabahınız xeyir, Britaniya" adlı verilişdə qonaq olub.

Axar.az xəbər verir ki, verilişdə məşhur futbolçuya yeni Ceyms Bond olma ehtimalı barədə suallar verilib.

Devid Bekham bu haqda heç kimin onunla danışmadığını deyib:

"Mənimlə hələ heç kim bu haqda danışmayıb və mən, qətiyyən belə bir şeyə qarışmamışam. Amma adımın bu məzmunda söz-söhbətlərdə çəkilməsi əlbəttə ki, xoşdur".

Kino sahəsinə çox uzaq olmayan futbolçu bundan əvvəl Qay Ritçi ilə işləyib və Harvi Keytel ilə qısa filmdə rol alıb.

Xatırladaq ki, Devid Bekhamın fanatları Ceyms Bond roluna ulduz futbolçunun seçilməsi üçün sosial şəbəkələrdən kampanya başlatmışdı. Ceyms Bond filminin növbəti bölümü "007:Spektr" üçün mahnı bəstələyən Sem Smit də Bekham fanatlarına dəstək vermişdi.