ABŞ-ın beyin mərkəzlərindən biri - Vaşinqton İnstitutunun jurnalında ABŞ-Türkiyə münasibətlərinin soyumasından bəhs edən məqalə yayımlanıb.

Axar.az xəbər verir ki, məqalədə ABŞ-dakı 11 sentyabr hadisələrindən sonra hər iki dövlətin münasibətlərinin olduqca yüksək səviyyədə olduğu qeyd edilir. Lakin 2003-cü ildən sonra bu münasibətlər səviyyəsinin azalan xətt üzrə getdiyi vurğulanır:

"ABŞ Müdafiə Nazirliyi Türkiyənin ən yaxın müttəfiqi idi. Bu gün isə Pentaqon Türkiyəni etibarlı tərəfdaş hesab etmir. Bunun səbəbi isə Türkiyənin NATO-dakı rolunu dəyişdirməsi olub".

Məqalədə daha sonra bildirilir ki, hələ 2003-cü ildə İraqda birgə hərbi əməliyyatlar barədə təklif irəli sürən ABŞ bundan imtina edən Türkiyəni artıq etibarlı tərəfdaş olaraq görmür.

Bundan əlavə, məqalədə 2010-cu il Türkiyə -İsrail əlaqələrinə də toxunulub.