Rusiya ABŞ-ın bütün dünyada apardığı əməliyyatlar zamanı bir dəfə də olsun amerikalı əsgərlərin öləcəyi ilə bağlı gözləntilərini ictimaiyyətə yaymayıb.

Axar.az xəbər verir ki, bunu jurnalistlərə açıqlamasında Rusiya Müdafiə Nazirliyinin rəsmi nümayəndəsi general-mayor İqor Konaşenkov söyləyib. Onun sözlərinə görə, ABŞ müdafiə naziri öz açıqlaması ilə hökumətinin ayrı-ayrı nümayəndələrinin siyasi mədəniyyət səviyyəsini ortaya qoyub.

Qeyd edək ki, ABŞ Müdafiə naziri Eşton Karter dünən Brüsseldə keçirdiyi mətbuat konfransında Rusiyanın yaxın zamanlarda Suriyada ilk itkilərini verəcəyini bildirib.