Rusiya aviasiyası daha çox Amerika silahları ilə silahlanmış bölgələrdəki döyüşçülərə qarşı əməliyyat keçirir.

Axar.az xəbər verir ki, bu barədə informasiyanı Amerikanın "Vaşinqton Post" qəzeti yayıb.

"ABŞ Türkiyə və Səudiyyə Ərəbistanı vasitəsi ilə Əsəd əleyhdarlarına "BGM 71 TOW" tank əleyhinə raket kompleksləri verib. Bu silahların köməkliyi ilə hökumət qüvvələrinin əksər hücumlarının qarşısı alınıb. Komplekslərin verilməsində əsas məqsəd Əsədi hakimiyyətdən uzaqlaşdırmaq olub. Tank əleyhinə raketlərin verilməsi Rusiyanın Suriyaya müdaxiləsindən sonra da davam edib. Müxalifətin döyüşlərdə ABŞ silahları işlətməsi Rusiya Prezidenti Vladimir Putinin Suriyada hərbi əməliyyatlara başlamaq haqqında qərar verməyinə səbəb olub", - deyə qəzetdə bildirilir.