2022.12.04. 18:25

Rusiyanın Nijnevartovsk şəhərinin Sülh küçəsində yerləşən beşmərtəbəli yaşayış binasının ikinci və üçüncü mərtəbələri uçub.

Axar.az xəbər verir ki, bu barədə Rusiya Fövqəladə Hallar Nazirliyi məlumat yayıb.

Son məlumata görə, 5 nəfər həlak olub, 10 nəfəri dağıntılar altından xilas etmək mümkün olub.

Xəstəxanaya 3 yaralı yerləşdirilib ki, onlardan da 2-nin vəziyyəti ağırdır.

Hazırda axtarış-xilasetmə işləri aparılır. Evlərdən 52 nəfər təxliyə edilib.

İlkin ehtimala görə, qaz sızmasından dolayı yaranan partlayış uçquna səbəb olub.

***

Yaşayış evinin uçması nəticəsində ölənlərin sayı 6-ya çatıb.

***

Partlayış nəticəsində evin uçmasından sonra 7 nəfərin taleyindən xəbər yoxdur.

Bu barədə yerli hüquq-müafizə orqanları məlumat yayıb.