Suriyada hərbi əməliyyatları intesivləşdirdik və hücumların sayını iki dəfə artırdıq.

Axar.az xəbər verir ki, bu sözləri Rusiya Müdafiə naziri Sergey Şoyqu toplantı zamanı Vladimir Putinə hesabatında deyib.

O bildirib ki, Rusiyanın hərbi hava qüvvələri Hələb və İdlib şəhərində terrorçuların mövqelərinə ardıcıl zərbələr endirib:

"İŞİD-in 140-a yaxın hədəfini məhv etmişik. Suriyanın şimalında 40 qəsəbəni onlardan geri aldıq".

Baş Qərargah rəisi Valeri Gerasimov isə qeyd edib ki, rus qırıcları 24 saat ərzində Suriyada 2.300-dən çox uçuş həyata keçirib.

Öz növbəsində Vladimir Putin də hərbi əməliyyatların Rusiyanı qorumaq məqsədilə təşkil edildiyini bildirib. O, donanma qüvvələrinə Fransanın hərbi gəmiləri ilə birlikdə hərəkət etmək barədə təlimat verib.

Toplantı zamanı bildirilib ki, İŞİD mövqeləri Aralıq dənizindən kalibr raketləri ilə vurulub.