ABŞ Dövlət katibinin müavini Entoni Blinken İŞİD-ə qarşı mübarizənin genişləndiriləcəyini açıqlayıb.

Axar.az xəbər verir ki, İstanbulda təşkil olunan Atlantik Şurasının İqtisadiyyat və Enerji Zirvəsində danışan ABŞ rəsmisi 65 ölkənin yer aldığı koalisiyanın indiyə qədər terorrçulara qarşı 8200 hücum təşkil etdiyini deyib.

"İraqda İŞİD-in nəzarət etdiyi bölgələrin 40 faizi azad edilib. Koalisiya qüvvələri Suriya-Türkiyə sərhədinin 85 faizini İŞİD terrorçularından təmizləyib. Türkiyə ilə reallaşdırdığımız hava əməliyyatları və qurudan həyata keçirilən işlər 70 mil uzunluğundakı bölgəni İŞİD-dən təmizləməyimizə yardımçı olacaq. Həm İraq, həm də Suriyada terrorçular şərqdən, şimaldan və cənubdab sıxışdırılır", - Vaşinqton rəsmisi qeyd edib.