Ana səhifə Planet |
Səudiyyə Ərəbistanı ilə İran arasında diplomatik münasibətlərin pozulması Suriya konfliktinin həllini çətinləşdirəcək.
Axar.az xəbər verir ki, bunu Rusiya mətbuatına açıqlamasında rusiyalı şərqşünas Sergey Demidenko deyib.
Onun sözlərinə görə, Səudiyyə Ərəbistanı ilə İran arasında Yaxın Şərq region uğrunda latent savaş gedir:
"İran heç vaxt Səudiyyənin özünün regional düşməni olduğunu söyləməyib. Doğrudur, hər iki tərəf bir-birilə münasibətləri qoruyub saxlasalar da, onlar arasında Livan, Suriya, Yəmən, Bəhreyn uğrunda aktiv mübarizə gedir. Sonuncu baş verən hadisə daha çox Suriya ilə əlaqədardır. Suriya böhranı daha çox etnik-dini xarakter daşıyır. Onun özünün inkişaf qanunları var. Heç bir regional və ya qlobal gücün bu situasiyanı indiki mərhələdə həll etmək imkanı yoxdur. Bu konflikt bütün tərəflərin bir-birini öldürməkdən bezdikləri an öz-özünə dayanacaq".
Qeyd edək ki, Səudiyyə Ərəbistanı yanvarın 2-də şiə din alimi Ayətullah Nimr Baqir ən-Nimri daxil olmaqla 47 nəfəri edam edib. Bundan sonra Tehrandakı Səudiyyə Ərəbistanı səfirliyi yandırılıb. Səudiyyə buna cavab olaraq İranla diplomatic əlaqələri kəsib və Tehran səfirinə ölkəni tərk etməsi üçün 24 saat vaxt verib.
Tarix
2016.01.04 / 18:36
|
Müəllif
İlkin Həsənov
|