Günlərin birində Rusiyanın xarici siyasətini bir qadın müəyyənləşdirəcək.

Axar.az xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova "RSN" radiosuna açıqlamasında deyib.

"Qadınlarımız kosmosa gedir, xəstəliklərin çarəsini tapır, təhsil verir. Bizi böyüdüb boya-başa çatdıran, bizi dünyaya gətirən də qadınlardır. Yəni qadınlar çox şey edə bilərlər. Üzərimə düşən vəzifələri dəqiq şəkildə yerinə yetirə bilsəm, bu mənim üçün böyük xoşbəxtlik olar", - deyə Zaxarova bildirib.

Qeyd edək ki, Mariya Zaxarova Rusiya Xarici İşlər Nazirliyinin sözçüsü vəzifəsinə 2015-ci ilin avqust ayında təyin edilib. O, bu vəzifəyə təyin edilən ilk qadındır.