Vətənimizi, torpağımızı, millətimizi, bayrağımızı küçədən tapmadıq. Sizə ətək geyindirib gəzdirərik, amma bu ölkənin bölünməsinə razı olmarıq.

Axar.az xəbər verir ki, bu sözləri Türkiyənin hakim partiyası AKP-nin sədri Əbdülhəmid Gül HDP-dən olan millət vəkillərinə çağırşında deyib.

"Bəzi şəxslər sülh pərdəsi altında terrora xidmət edir. "Uşaqlar ölməsin" deyənlər, elə uşaqları ölümə göndərir. Heç olmasa, alnındakı qanı sil, sonra bu sözü de. Bunlar, ikiüzlüdür. Uşaqların əlinə silah verirlər. Halbuki, o uşağın əlində kitab olmalı idi. Prezidentimiz "Dünyanı başlarına uçurdarıq" deyir. Digər tərəfdən sədr (HDP sədri Səlahəddin Dəmirdaş - red) ordan "Bu sözü sizə yedirərik" söyləyir. Sənin hər gün parlamentdə partizan dediyin terrorçular ətək geyinib gəzir. Biz vətənimizi, millətimizi, torpağımızi küçədən tapmadıq. Sizə ətək geyindirib gəzdirərik, amma bu ölkənin bölünməsinə razı olmarıq", - Gül vurğulayıb.