Kreml Donetsk və Luqansk separatçılarını Ukrayna siyasətinə təsir etmələri üçün Radaya salmaq istəyir.

Axar.az xəbər verir ki, bunu Ukrayna mətbuatına açıqlamasında rusiyalı iqtisadçı Vladislav İnozemçev söyləyib. Onun sözlərinə görə, SSRİ-nin çökməsindən sonra Rusiyanın bütün siyasəti hər yerdə özünə təsir vasitəsi yaratmaq üzərində qurulub:

"Dnestryanı vasitəsilə Moskva Moldova dövlətçiliyini yox etmək istəyirdi. Sonradan bəlli oldu ki, Dnestryanı Rusiyaya lazım deyil, lakin onun Moldovaya qatılmasına imkan yaradılmadı. Bu, ən azından Kişinyovun Avropa istiqamətindəki yolunu rahatlada bilərdi. Eyni situasiya Gürcüstana da tətbiq edildi. İndi isə növbə Ukraynadadır. Moskvaya nə Donbas, nə də ki güclü Ukrayna lazımdır. Kremlə yalnız Kiyev üçün daim mövcud olacaq problemlər lazımdır. Bununla da Ukraynanın NATO və AB yolunun qapadılması hədəflənib".