Rus Pravoslav Kilsəsinin rəhbəri ilə Roma Papası Fransisk arasında birgə deklarasiya imzalanıb.

Axar.az xəbər verir ki, deklarasiyada hər iki kilsə arasında münasibətlərin yeni mərhələsinin başladılması ilə bağlı razılıq əldə olunub. Tərəflər arasında iki saat davam görüşdən sonra onlar ictimaiyyətə Yaxın Şərqdə xristianlığın, Avropada ənənəvi xristian dəyərlərinin qorunması ilə bağlı çağırış ediblər:

"Bizim baxışlarımız hər şeydən öncə dünyanın müxtəlif yerlərində təqibə məruz qalan xristianlarla bağlı ortaq nöqtədə kəsişib. Biz böyük kədərlə xristianların bizim dinimiz ilk dəfə yayıldığı torpaqlardan necə qovulduğunu müşahidə edirik".

Qeyd edək ki, 1054-cü ildə xristianlıq pravoslav və katolik kilsələrinə parçalanıb. Bu kilsələr uzun illər bir-birinə düşmən kimi baxmaqla bərabər, həm də bir sıra dövlətlərın istifadə etdikləri əsas silah olublar. 1000 il ərzində bu kilsələrin liderləri arasında heç bir görüş keçirilməyib.