ABŞ PYD-ni terrora qarşı mübarizə ilə bağlı olan sənədlərdən çıxarıb.

Axar.az xəbər verir ki, bu dəyişiklik ABŞ-ın Terrorla Milli Mübarizə Mərkəzinin (NCTC) saytında ortaya çıxıb.

Məlumata görə, bir müddət əvvəl NCTC-nin saytında PYD-nin PKK-nın Suriya qolu olaraq qeyd olunduğu bildirilib.

ABŞ Dövlət Departamentinin nümayəndəsi Mark Toner isə məsələdən xəbərdar olmadığını deyib:

"Sözügedən sayta baxmamışam. Hər hansı qruplaşmanın terror təşkilatı olaraq tanınması üçün Dövlət Departamenti qərar verməlidir. Bu bizim qızıl qaydamızdır. Ona görə də YPG-nin nə cür təşkilat olaraq xarakterizə edilməsi bağlı danışa bilmərəm. Məsələdən xəbərdar deyiləm".

Qeyd edək ki, PYD-nin terror təşkilatı olması ilə bağlı ABŞ və Türkiyə arasında fikir ayrılığı var.