İran ABŞ və Fransa prezidentlərinin birgə bəyanatını pisləyir və orada Tehrana qarşı irəli sürülən əsassız, qəbuledilməz ittihamları rədd edir.

Axar.az xəbər verir ki, bunu İran Xarici İşlər Nazirliyinin sözçüsü Nasir Kənani deyib.

Kənani İran əleyhinə bəyanatı əsassız və siyasi məqsədlər güdən adlandırıb:

“İranın regionda, eləcə də dünyada sabitlik və təhlükəsizliyin bərqərar olması, beynəlxalq təhlükəsizliyin möhkəmləndirilməsi üçün terrorçu qruplarla mübarizədə rolu danılmazdır”.

Qeyd edək ki, Makron Baydenlə Yelisey sarayında danışıqlardan sonra keçirdiyi birgə mətbuat konfransında Tehranın regionda sabitliyi pozan hərəkətlərini dayandırmaq üçün Paris və Vaşinqtonun İrana təzyiq göstərmək niyyətində olduğunu bildirmişdi.