20:28

Rusiyanın Komi Respublikasında Vorkuta-Novorossiysk xətti ilə hərəkət edən sərnişin qatarı qəzaya uğrayıb.

Axar.az xəbər verir ki, bu barədə Rusiya Dəmir Yollarından məlumat verilib.

Məlumata görə, qatarın 9 vaqonu relsdən çıxıb.

Bildirilib ki, hadisə yerinə təcili tibbi yardım briqadaları göndərilib və sərnişinlərə yardım üçün tədbirlər görülür:

“Zərərçəkənlərlə bağlı məlumatlar dəqiqləşdirilir. Bu istiqamətdə bütün qatarların hərəkəti dayandırılıb”.

***

Rusiyanın Komi Respublikasında sərnişin qatarının qəzaya uğraması nəticəsində 70 nəfər yaralanıb.

Bu barədə Rusiya İstintaq Komitəsindən məlumat verilib.

Məlumata görə, 14 vaqondan ibarət olan qatarda 232 sərnişin olub.

Hazırda sərnişinlərin təxliyəsi aparılır.