Biz Avropamızın hər kvadrat santimetrini müdafiə edəcəyik.

Axar.az xəbər verir ki, bunu Almaniya xarici işlər naziri Annalena Berbok Almaniyanın Milli Təhlükəsizlik Strategiyasına həsr olunmuş konfransda deyib.

O, Avropanı dünya nizamının qorunmasına və Rusiyaya qarşı mübarizədə Ukraynaya dəstəyin artırılmasına çağırıb.

Onun sözlərinə görə, Putin totalitarizm yolundadır:

“Putin Rusiyası yaxın gələcəkdə Avropada təhlükəsizliyimiz üçün ən böyük təhdid olaraq qalacaq. Müdafiə siyasəti bu reallığa incə şəkildə uyğunlaşdırılmalıdır. Avropa Birliyinin ən böyük ölkəsi kimi Almaniya xüsusi məsuliyyət daşıyır. Və NATO hazırda daha böyük çətinliklərlə üzləşsə də, həmişəkindən daha güclüdür".