Türkiyə Prezidenti Rəcəb Tayyib Ərdoğan NATO sammiti çərçivəsində Vaşinqtonda ukraynalı həmkarı Vladimir Zelenski ilə görüşüb.

Axar.az xəbər verir ki, bu barədə Türkiyə Prezident Administrasiyasının İctimaiyyətlə Əlaqələr İdarəsi məlumat yayıb.

Ərdoğan görüş zamanı bildirib ki, Ankara taxıl sazişinin bərpası üzrə işə başlayıb və Ukrayna münaqişəsinin həlli üçün vasitəçilik də daxil olmaqla, istənilən təşəbbüslərə hazırdır.

"Görüşdə prezident Ərdoğan bəyan edib ki, Türkiyə ədalətli sülhün bağlanması və Qara Dəniz Taxıl Təşəbbüsünün bərpası üçün işə başlamaqla Ukrayna-Rusiya müharibəsinə son qoymaq səylərini davam etdirir”, - deyə bildirilib.