Türkiyənin Ərzurum şəhərində teatr binasında yanğın baş verib.

Axar.az xəbər verir ki, dövlət teatr binasında başlayan yanğın digər binalara da sıçrayıb. Yanğın nəticəsində teatrın səhnəsi tamamilə yanıb.

Yanğının hansı səbəbdən baş verdiyi hələ də müəyyənləşdirilməyib. Teatrda olan aktyorlar yanğın genişlənmədən binadan çıxarılıblar. Qısa müddətdə böyüyən yanğın digər binalara da yayılıb, ciddi ziyanın dəydiyi bildirilib.

Hadisə yerinə çoxlu yanğınsöndürmə briqadası və təcili tibbi yardım maşını cəlb edilib. Xəsarət alan vətəndaşlara yerindəcə yardım edilib.