18:39

İranın Livandakı səfiri Müctəba Amani şəxsi rabitə qurğusunun partlaması nəticəsində yaralanıb.

Axar.az xəbər verir ki, bu barədə “Mehr” agentliyi məlumat yayıb.

Bildirilib ki, səfir peycerdən istifadə edib.

Amaninin vəziyyəti ilə bağlı təfərrüat verilməyib.

Daha əvvəl Hizbullahın qərargahının yerləşdiyi Beyrutun cənubunda rabitə cihazlarının partlaması nəticəsində onlarla yaralının xəstəxanalara yerləşdirildiyi açıqlanmışdı.

Rabitə cihazlarının İsrailin kiberhücum həyata keçirməsi nəticəsində partladığı bildirilir.

***

Rabitə cihazlarının partladılması nəticəsində yaralananların sayı azı 1,5 minə çatıb.

Bu barədə “Skay Nyus Arabia” məlumat yayıb.

Partlayışlar nəticəsində 5 nəfər ölüb.

***

Livanda peycerlərin partlaması nəticəsində 8 nəfər ölüb, 2,8 mindən çox insan yaralanıb.

Bu barədə Livanın Livanın səhiyyə nazirinin səlahiyyətlərini icra edən Firas Abyad mətbuat konfransında bildirib.

Onun sözlərinə görə, yaralılardan 200-nün vəziyyəti ağırdır.

Qeyd edilir ki, partlayışların birində Hizbullah millət vəkilinin oğlu da həlak olub, bir çox Livan məmurunun övladları yaralanıb.

***

Firas Abyad partlayışlar nəticəsində 4 min nəfərin yaralandığını, 11 nəfərin isə öldüyünü bildirib.