Rusiyanın Sum bölgəsinə daha dərindən irəliləməyə gücü çatmır. Oktyabrın əvvəli işğalçılar üçün kritik olacaq.

Axar.az xəbər verir ki, bu barədə Ukrayna Silahlı Qüvvələri Baş Qərargahının keçmiş rəsmisi Vladislav Seleznyov danışıb.

"Ruslar yanaqlarını istədikləri qədər şişirdə bilirlər. Bəs onların öz planlarını həyata keçirmək üçün resursları və imkanları varmı? Bizim Sum bölgəsinin dərinliyinə keçmək üçün yox. Əbəs yerə deyil ki, Putin öz ordusunun maksimum sayını artırmaq üçün daha bir fərman imzaladı", - Seleznyov bildirib.

O əlavə edib ki, çox güman, gələn il düşmən müəyyən plan və tədbirlərin həyata keçirilməsi üçün ilk növbədə canlı qüvvə cəlb edəcək:

"Burada bizim müəyyən resurslarımız var, xüsusən də kasetli sursatlar. Düşmənin yaxın gələcəkdə Sum və Çerniqov vilayətlərini ciddi şəkildə təhdid etmək üçün kifayət qədər resursunun olması ehtimalı azdır. Gördüyümüz kimi, müəyyən səylərə baxmayaraq, ruslar Xarkov vilayətində o qədər də yaxşı nəticə əldə edə bilmirlər. Düşmən get-gedə ehtiyatlarını itirir".