Ana səhifə Planet |
Ukrayna ilin sonuna qədər daha 200 min çağırışçını orduya cəlb etmək niyyətindədir, lakin bu planların reallaşması ehtimalı azdır.
Axar.az xəbər verir ki, bu barədə “Tayms” nəşri Ali Radanın Milli Müdafiə Komitəsinin katibi Roman Kostenkoya istinadən məlumat yayıb.
Nəşr qeyd edir ki, NATO-nun hesablamalarına görə, Rusiya hər ay 30 minə yaxın hərbçi cəlb edir:
"Ukraynanın 200 min nəfəri orduya cəlb etmək hədəfi getdikcə daha zəruri ola bilər, lakin buna nail olmaq da getdikcə çətinləşir".
Odessadakı ərazi tədarük mərkəzlərindən birinin əməkdaşı bildirib ki, onun idarəsi qarşıya qoyulan məqsədlərdən xeyli geri qalır:
"Biz lazım olanın 20 faizini belə səfərbər etmirik. Odessa vilayəti siyahıda ən pis yerlərdən birini tutur".
Qeyd olunub ki, bəzi günlərdə hərbi komissarlığa gələn kişilərin yarıdan çoxunda vərəm, hepatit və ya İİV kimi xidmətə uyğun olmayan xəstəliklər olur.
Tarix
2024.10.04 / 09:00
|
Müəllif
Axar.az
|