Rusiyanı Suriyadan və Aralıq dənizindən sıxışdırıb çıxarmaq cəhdləri geosiyasi gərginliyi artırır, dünyanın vəziyyətini əlverişsiz istiqamətə aparır. Bu fonda Serbiya yalnız bomba sığınacaqlarının vəziyyətini yaxşılaşdıracaq.

Axar.az xəbər verir ki, bunu Serbiya Prezidenti Aleksandr Vuçiç deyib.

“Gördüyünüz kimi, bu dəlilik davam edir. Aralıq dənizində, Suriyada Rusiyanın təsirini tamamilə aradan qaldırmağa çalışırlar. Nədən danışdığımız tamamilə aydındır, Rusiyanın rəqibləri bunu yaxşı edirlər, ruslar bunun qarşısını almağa çalışırlar, görək necə olacaq. Görürsünüz, bir-birini soyqırımda ittiham edənlər öz maraqlarına gələndə necə birləşirlər, məsələn, rusları Aralıq dənizindən, Suriyadan sıxışdırıb çıxarırlar. Maraqlı olacaq və Trampın BRİKS-ə qarşı hədələrindən sonra hər şey xoşagəlməz istiqamətdə gedir”, - Vuçiç bildirib.