10:27

Rusiya ordusunun Baş Qərargah rəisi Valeri Gerasimov ABŞ Birləşmiş Qərargah Rəisləri Komitəsinin sədri Çarlz Braunla telefon danışığı aparıb. O, “Oreşnik” raketinin buraxılışının ABŞ-ın Ukraynaya Rusiya ərazisinə uzaqmənzilli silahlarla zərbə endirməyə icazə verməsindən çox əvvəl planlaşdırıldığını bildirib.

Axar.az xəbər verir ki, bu barədə “Nyu York Tayms” məlumat yayıb.

Nəşrin yazdığına görə, Braunun mətbuat xidməti 27 noyabrda belə bir zəng olduğunu dolayısı ilə təsdiq edib. Ancaq Gerasimovun xahişi ilə Braun zəng barədə əvvəlcədən məlumat verməməyə razı olub.

Zəng tələbi Rusiyanın Müdafiə Nazirliyi tərəfindən gəlib. Gerasimovun Braun ilə telefon danışığını gizli saxlamaq istəyinin səbəbi məlum deyil.

Gerasimov sonuncu dəfə ABŞ ordusunun Baş Qərargah rəisi ilə 2022-ci ilin oktyabrında (Braunun sələfi Mark Milli ilə) danışıb.