7 oktyabr terror hücumundan sonra HƏMAS və Hizbullahın çökdürülməsi və rəhbərlərinin məhv edilməsinin ardınca Əli Xamenei bölgədəki ən mühüm səngərini itirdi.

Axar.az xəbər verir ki, bunu İranın keçmiş şahının oğlu Rza Pəhləvi özünün X hesabında Suriyada Bəşər Əsəd rejiminin devrilməsi haqda yazıb.

O, Bəşər Əsədin devrilməsindən sonra İran hökumətinin çox zəif vəziyyətə düşdüyünü bildirib:

“İslam Respublikası özünün faciəli siyasəti ilə bölgə xalqları və dövlətləri ilə yanaşı, İran xalqının da həyatını məhv edib. Ölkənin milyardlarla sərvətini İranın abadlığına xərcləmək əvəzinə bölgədəki cinayətkarlar və muzdlulara verib. Ancaq bütün bunlara baxmayaraq, Suriyanın İran rejiminin məğlubiyyət simvoluna çevrildiyinin şahidi olduq”, - Pəhləvi qeyd edib.

Rza Pəhləvi Bəşər Əsəd rejiminin devrilməsi ilə İranda xalq arasında Tehran rejiminin də süqutuna ümidləri artırdığını vurğulayıb.