Serbiya Prezidenti Aleksandr Vuçiç Kreml rəhbəri Vladimir Putinlə Rusiya ilə yeni qaz müqaviləsinin bağlanması məsələsini müzakirə etmək niyyətindədir.

Axar.az xəbər verir ki, bu barədə A.Vuçiç hökumətin iclasında deyib.

"Mən Putinlə NİS (Serbiya Neft Sənayesi) şirkətinə qarşı sanksiyalar və qaz razılaşması barədə danışmalı olacağam. Telefonla, yaxud başqa formada... Lakin onunla mütləq bu barədə danışmalıyam”, - deyə o bildirib.

Bundan öncə o qeyd edib ki, ABŞ-ın 2025-ci il yanvarın 1-dən NİS-ə qarşı sanksiyalar tətbiq etmək qərarı Belqradın antirusiya məhdudiyyətlərinə qoşulmaqdan imtina etməsinə təsir göstərməyəcək.