Almaniyanın Maqdeburq şəhərində (Saksoniya-Anhalt federal əyaləti) qanunsuz miqrantların deportasiyası tələbi ilə yüzlərlə insanın iştirak etdiyi nümayiş keçirilib.

Axar.az DPA-ya istinadən xəbər verir ki, nümayiş Milad yarmarkasında törədilən terror aktına görə olub.

İştirakçılar “Remiqrasiya”, “Öz xalqına qarşı siyasətə son” yazılan pankartlar, bəziləri neonasist şüarlar səsləndiriblər.

Mitinqdə Almaniyada tanınmış sağ radikallar iştirak ediblər.

Qeyd edək ki, Milad yarmarkasında insanların üzərinə maşın sürən və 5 nəfərin ölümünə, 205 nəfərin yaralanmasına səbəb olan şəxs Səudiyyə Ərəbistanındandır və 2006-cı ildə oturum izni alıb.