ABŞ Prezidenti Co Bayden və komandası gizli toplantı keçirib.

Axar.az Globalinfo.az-a istinadən xəbər verir ki, Ağ Evdə baş tutan gizli görüşdə İranın nüvə obyektlərinə zərbələr endirmək planı müzakirə olunub.

Bildirilib ki, müzakirə təxminən bir ay əvvəl baş tutan və gizli saxlanılan görüş zamanı aparılıb.

Ağ Evin milli təhlükəsizlik məsələləri üzrə müşaviri Ceyk Sallivan Tehranın yanvarın 20-dək nüvə silahı yaratmaq istiqamətində ata biləcəyi addımlara qarşılıq ABŞ-ın potensial hücum variantlarını təqdim edib.

Sallivan hesab edir ki, İranın hava hücumundan müdafiə (HHM) və raket imkanlarının zəifləməsi uğurlu zərbə ehtimalını artıracaq, həmçinin İranın cavab tədbirləri və regional eskalasiya riskini azaldacaq.

Qeyd olunub ki, Bayden bu məsələ ilə bağlı yekun qərar qəbul etməyib.