Ukrayna Hava Yollarına məxsus Boinq-737-800 təyyarəsinin SEPAH tərəfindən Tehran səmasında vurulmasının ildönümüdür.

Axar.az xəbər verir ki, təyyarə 2020-ci il yanvarın 8-də vurulub.

176 sərnişini olan təyyarə havaya qalxdıqdan qısa müddət sonra Tehran səmasında iki raketlə vurulub və bütün sərnişinlər həlak olub.

Təyyarənin vurulmasından sonra Tehran məsələni ört-basdır etməyə, təyyarənin texniki nasazlıq səbəbindən qəzaya uğradığını “sübut etməyə” çalışıb. Ancaq beynəlxalq təzyiqlər nəticəsində Tehran hava gəmisinin SEPAH tərəfindən vurulduğunu qəbul etməyə məcbur olub.

İran təyyarə qurbanlarının ailələrinə hələ də təzminat ödəməyib.