Ukrayna demoqrafik fəlakət içərisindədir.

Axar.az xəbər verir ki, bu barədə “Der Şpigel” nəşri yazıb.

Bildirilib ki, indiyə qədər yeddi milyon insan xaricə qaçıb.

Nəşr yazır ki, Rusiyanın 2022-ci ilin fevralında başlatdığı genişmiqyaslı müharibə demoqrafik böhranı fəlakətə çevirib:

“Ən azı beş milyon ukraynalı hazırda Rusiyanın işğalı altında yaşayır. On minlərlə dinc sakin və 100 minə qədər hərbçi həlak olub. Əgər 1990-cı illərin əvvəllərində Ukraynada 51,5 milyon insan yaşayırdısa, hazırda Kiyevin nəzarətində olan ərazidə cəmi 29 milyon insan var. Rusiya da oxşar problemlə üz-üzədir. Amma Rusiyanın əhalisi Ukraynadakından dörd dəfə çoxdur”.

Qeyd olunub ki, Ukraynadakı hazırkı tendensiyanın qarşısının alınması üçün insanlar geri qayıtmalıdır:

“Bunun baş verməsi üçün ilk növbədə müharibə bitməli, təhlükəsizliyə zəmanət verilməlidir. Əks halda çətin ki, kimsə ölkəsinə qayıtsın. Əksinə, Ukraynadan gedənlərin sayı artacaq”.