Donald Trampın ABŞ prezident seçkisində qalib gəlməsindən sonra dünya liderləri onun rəğbətini qazanmağa tələsirlər.

Axar.az xəbər verir ki, bu barədə CNN məlumat yayıb.

"Bəlkə də Ukrayna qədər heç kim buna çalışmır. Nəzərə alsaq ki, ABŞ prezidentlik müddəti başa çatan Baydenin dövründə Ukraynaya ən böyük hərbi yardım təchizatçısına çevrilib, Kiyev yaxşı başa düşür ki, gələcək dəstəyi təmin etmək üçün Trampın tərəfində qalmalıdır", - məlumatda deyilir.

Qeyd olunur ki, Zelenski tez-tez Trampı güclü insan kimi qələmə verir və bu, seçilmiş prezidentin xoşuna gəlmək cəhdidir.

Avropa Şurasının xarici əlaqələr üzrə əməkdaşı Coanna Xosa bildirib ki, Zelenskinin Trampla düşmənçilik etmək lüksü yoxdur:

"O, heç olmasa, Amerikanın dəstəyindən çox asılı olan Ukrayna üçün mümkün olan ən yaxşı nəticəni təmin etmək məqsədilə onu Kiyevin tərəfinə çəkməyə çalışmalıdır. Zelenski seçim qarşısında idi: Trampa yaltaqlanmaq və ya Putinə təslim olmağa məcbur olmaq. Yaltaqlıq daha yaxşı nəticələr üçün ödənilməli olan kiçik bir qiymətdir".