Donald Trampın ABŞ prezidenti kimi səlahiyyət müddəti bitdikdə - 4 ildən sonra NATO daha da güclü olacaq və ola bilsin ki, Ukraynanı üzvlüyə qəbul edəcək.

Axar.az xəbər verir ki, bunu Finlandiya Prezidenti Aleksandr Stubb Almaniyanın “Der Spiegel” jurnalına müsahibəsində deyib.

"Ümid edirəm ki, o zaman daha güclü NATO - NATO 3.0 görəcəyik", - o bildirib.

Finlandiya prezidenti qeyd edib ki, ABŞ heç bir başqa alyansda təhlükəsizliyini və Avropada maraqlarını bu qədər etibarlı şəkildə təmin edə bilməz.

Prezident hesab edir ki, Trampın dövründə NATO üzvlərinə hərbi xərcləri artırmaq üçün təzyiq daim olacaq.