Kriminal aləmdə “Vəhşi Arman” kimi tanınan Arman Cumagəldiyev 2022-ci ilin yanvarında Qazaxıstanda kütləvi iğtişaşların təşkili ittihamı ilə 20 il müddətinə azadlıqdan məhrum edilib.

Axar.az xəbər verir ki, bu barədə Qazaxıstan mətbuatı məlumat yayıb.

Məlumata görə, bu gün Qazaxıstanın 72 saylı istintaq təcridxanasında yanvar hadisələri ilə bağlı hökm oxunub. Məhkəmə Cumagəldiyevi yanvar hadisələri zamanı cinayətkar qrup yaratmaqda və ona rəhbərlik etməkdə, kütləvi iğtişaşlarda və insanları oğurlamaqda təqsirli bilib.

Ondan başqa 43 nəfər yanvar hadisələrinin təşkilində ittiham olunub. Məhkəmə onları bir ildən 15 ilədək müxtəlif müddətlərə azadlıqdan məhrum edib.