Qəzza zolağı ilə Misir arasındakı Rəfah sərhəd-keçid məntəqəsi 8 aydan sonra xəstə və yaralıların təxliyəsi üçün açılıb.

Axar.az xəbər verir ki, bu barədə Türkiyə mediası məlumat yayıb.

Bildirilib ki, Qəzzada atəşkəs və əsir mübadiləsi razılaşması çərçivəsində 50 yaralı və xəstə fələstinli uşağı daşıyan təcili yardım maşınları bu gün Rəfah sərhəd keçid məntəqəsindən Misirə keçib.

İsrail ordusuna məxsus radioda verilən məlumata görə, Qəzzada atəşkəs və əsir mübadiləsi razılaşması çərçivəsində açılan Rəfah sərhəd-keçid məntəqəsindən yalnız Qəzza sakinləri buraxılacaq. Qəzzaya girişə isə məhdudiyyətlər tətbiq edilib.