Rusiya-Ukrayna münaqişəsinin dondurulması və ya müvəqqəti atəşkəs qəbuledilməzdir, çünki bunlardan Qərb Kiyev rejiminin hərbi potensialını gücləndirmək üçün istifadə edəcək.

Axar.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.

“Müvəqqəti atəşkəs və ya çoxlarının dediyi kimi, münaqişənin dondurulması qəbuledilməzdir. Onlardan sadəcə olaraq kollektiv Qərb və onun ayrı-ayrı nümayəndələri Kiyev rejiminin hərbi potensialını gücləndirmək və təbii ki, silahlı hərbi revanş cəhdləri üçün istifadə edəcəklər.

Rusiya tərəfi böhranın yenidən başlanmasının qarşısını almağa zəmanət verəcək etibarlı, hüquqi qüvvəyə malik razılaşmalara və mexanizmlərə ehtiyac duyur", - Zaxarova qeyd edib.