18-24 yaşlı ukraynalıların Silahlı Qüvvələrin sıralarına cəlb edilməsi üçün xüsusi müqavilə hazırlanır.

Axar.az xəbər verir ki, bu barədə Ukrayna Prezidenti Vladimir Zelenski “Röyters”ə müsahibəsində bildirib.

“Təcrübəli döyüş briqadaları Müdafiə Nazirliyi ilə birlikdə 18-24 yaş arası gənclər üçün müqavilə variantı üzərində işləyir. Bu, orduya qoşulmaq istəyənlər üçündür, səfərbərlik deyil”, - Zelenski vurğulayıb.

Zelenskinin sözlərinə görə, gənclərə çox yüksək maliyyə dəstəyi təklif olunacaq.

O, məsələ barədə yaxın vaxtlarda detallı məlumat veriləcəyini bildirib.

Qeyd edək ki, ABŞ-ın əvvəlki administrasiyası Ukraynaya əsgər çatışmazlığını aradan qaldırmaq üçün çağırış yaşını 25-dən aşağı salmaq barədə bir neçə dəfə təklif versə də, Zelenski bunu qətiyyətlə rədd etmişdi.