İsveçin Uppsala şəhərində yüzdən çox avtomobilin iştirakı ilə iki böyük yol-nəqliyyat hadisəsi baş verib.

Axar.az xəbər verir ki, qəzalar nəticəsində çox sayda insan xəsarət alıb, onlardan dördünün vəziyyəti ağırdır.

İlk toqquşma bir neçə avtomobilin iştirakı ilə səhər saatlarında baş verib. Bu qəzada 20-dən çox zərərçəkən Uppsala Akademik Xəstəxanasına çatdırılıb, lakin ciddi xəsarətlər barədə məlumat verilməyib.

Daha sonra 95 avtomobilin iştirakı ilə böyük qəza olub. Hadisə yerinə təcili yardım xidmətləri, o cümlədən tibbi helikopterlər gəlib.

Polis Departamentinin sözçüsü Stefan Larsson deyib: “Bu, dəhşətli mənzərədir. Əzilmiş maşınlar çubuqlar kimi ətrafa səpələnib”.

Bölgədə böhran qərargahı yaradılıb.