Ukrayna 2022-ci ilin fevralında Rusiyanın işğalından 5 gün sonra Avropa Birliyinə üzv olmaq üçün müraciət edib və həmin ilin iyununda namizəd statusu alıb. Amma NATO ilə bağlı vəziyyətə görə üzvlüyə gedən yol uzun çəkə bilər.

Axar.az xəbər verir ki, bu barədə “Le Figaro” nəşri yazıb.

Nəşr qeyd edib ki, 2024-cü ilin iyulunda Alyansın Vaşinqton sammitində müttəfiqlər Ukraynanın gələcəyinin NATO-da olduğunu təsdiqləyərək, NATO üzvlüyü də daxil olmaqla, tam Avro-Atlantik inteqrasiyaya geridönüşü olmayan yol açıblar.

“Avropalılar Ukraynanın kifayət qədər ciddi təhlükəsizlik təminatları olmadan AB-yə daxil olmasına razı olmayacaqlar ki, bu da faktiki olaraq NATO tərəfindən verilir”, - nəşr vurğulayıb.