Rusiyanın energetika naziri Sergey Tsivilyev və Azərbaycanın Rusiyadakı səfiri Rəhman Mustafayev arasında işgüzar görüş keçirilib.

Axar.az xəbər verir ki, bu barədə Rusiya Energetika Nazirliyinin məlumatında deyilir.

Bildirilib ki, tərəflər yanacaq-energetika sahəsində əməkdaşlığın perspektiv istiqamətlərini nəzərdən keçiriblər, həmçinin texnoloji həllərin mübadiləsi baxımından əməkdaşlığı, Azərbaycan ərazisindən keçəcək İrana qaz kəmərinin tikintisi layihəsini, eləcə də yanacaq-energetika kompleksinin bütün sahələrində əməkdaşlığın inkişafını müzakirə ediblər.

“Rusiya və Azərbaycan uzun illər boyu birgə geniş təcrübəyə və ümumi tarixə arxalanaraq, enerji sektorunda həm neft-qaz məsələlərində, həm də digər sahələrdə konstruktiv dialoq qurur. Biz Azərbaycanla dostluq münasibətlərimizi yüksək qiymətləndiririk”, - deyə Tsivilyev vurğulayıb.