Rusiyanın Voloqda vilayətinin qubernatorunun müavini Denis Alekseyev və onun şəriki Kirill Boçarov rüşvət alarkən cinayət başında saxlanılıblar.

Axar.az xəbər verir ki, bu barədə Rusiya İstintaq Komitəsi məlumat yayıb.

Bildirilib ki, Alekseyev və Boçarov 2024 və 2025-ci illərdə meşələrin inkişafı üçün investisiya layihəsi həyata keçirən kommersiya təşkilatının nümayəndəsindən 100 milyon rubl rüşvət tələb ediblər. Bu məbləğ qarşılığında məmurlar bu təşkilat üçün meşə sahəsinin icarəyə verilməsi məsələsini həll edəcəklərini vəd etdilər. Tələb olunan məbləğin bir hissəsini aldıqdan sonra Alekseyev və Boçarov Rusiya Federal Təhlükəsizlik Xidmətinin əməkdaşları tərəfindən cinayət başında saxlanılıb.

Onlara qarşı cinayət işi açılıb.