Türkiyənin yəhudilərlə problemi yoxdur, Ankaranın problemi İsrailin sionizmə əsaslanan ekspansionist siyasətidir.

Axar.az xəbər verir ki, bunu Türkiyə xarici işlər naziri Hakan Fidan deyib.

“Türkiyə İsrail dövlətini tanıyan ilk ölkələrdən biri olub. Bu prosesdə bizim yalnız bir həssaslığımız var - Qüds və Fələstin xalqı. Bu, xalqımızın həssaslığıdır. Türkiyədə hər bir seçilmiş hökumət xalqın fikrini dinləməlidir. Biz İspaniyadan qaçan yəhudiləri qarşılayan xalqıq. Biz onları qəbul etdik. İkinci Dünya müharibəsi zamanı nasist zülmündən qaçan yəhudiləri qarşılayan bir ölkəyik. Yəhudilərlə heç bir problemimiz yoxdur. Bizim İsrail dövlətinin sionizmə əsaslanan ekspansionist siyasəti ilə bağlı problemimiz var”, - o bildirib.